துவக்கமில்லா முடிவுகள் (சில)

ரயிலில் வரும் குழந்தையிடம் கிடைக்கும் நட்பு,

பேருந்தின் ஜன்னலோர இருக்கை பெண்ணின் குறுநகை,

காதலியிடமிருந்து கிடைக்கும் அவசர முதல் முத்தம்,

தலைக்குச்சூடாமல் வாடி விடும் மல்லிச்சரம்,

தூரத்தில் காதலியை கண்டதும் அணைந்துவிடும் சிகரெட்,

வாங்கிவிட எண்ணும் Toyota Camry,

எனக்கு முன் நிற்பவனுடன் தீர்ந்துவிடும் சினிமா டிக்கெட்,

கருவிலேயே கலைந்துவிடும் சிசுக்கள்,

கடவுள் தோன்றியவுடன் மறைந்து விடும் கனவு,

கோடைக்கால குளிர் மழை,

கரை புரளும் காவிரியின் அரசமரத்தடி

இவற்றுடன்

உன்னிடத்தில் சொல்லாமலே கருகிப்போன என் காதலும் கூட....