தொலைவு....

உனக்கும் எனக்குமான தொலைவுகள்

வளர்ந்து கொண்டே சென்றாலும் நினைவுகளால்

உன்னை துரத்தி நெருங்க முயற்சிக்கிறேன்....நினைவுகளுக்கு

காலமும் தூரமும் நேரமும் கிடையாதென்பது உண்மை.

விதி

கரை தொட்ட அலையின்
ஈர மணலில் உன் பாதசுவடின்
மீது நடக்க பிடிக்கும் - குளிர்ந்த இரவில்
யாருமற்ற தனிமையில் உன்
கைகோர்த்து நடக்க பிடிக்கும் - உன்
மடி மீது குலுங்கி அழுது என்
துக்கம் பகிர பிடிக்கும் -
உன்முகம் பார்த்து கணக்கற்ற கதை
பேச பிடிக்கும் - உன்னோடு
நீ கொண்டு வரும் Pond's பவுடர்
வாசம் பிடிக்கும் - eyetex
கண்மையிட்டஉன் கண்கள் பிடிக்கும் - நீ சினுங்குவதற்கு
முன் சிணுங்கும் உன் ஜிமிக்கி தோடு
பிடிக்கும் - இரவை போல்நீண்ட
உன் கூந்தல் பிடிக்கும் - அதில்
நீசூடும் மல்லி பிடிக்கும் - மொத்தத்தில்
உன் எல்லாமும் எனக்கு பிடிக்கும் - எல்லையற்றவளே,
உன் எல்லாமும் பிடித்த என்னை
எனக்கும் உனக்கும் பிடிக்காமல்
போனதில் அதிக ஆச்சரியமில்லை தான் - ஆம்
எதிர் எதிர் துருவங்கள் தான்
ஈர்ப்பு கொள்ளுமாம் - இது தான் இயற்கையின் விதி.

சுமை????

உன்னையோ உன் நினைவுகளையோ
என்றும் சுமையாக நினைத்ததில்லை- நீ
என்னை உதறிய பின்பும்.....

தேவதைத்திருநாள்

என் தேவதைக்கு பிறந்தநாள் - இனிப்பு,
பூக்கள்,பரிசுகள் - இவை அனைத்தும்
எல்லாரும் உனக்கு கொடுக்க கூடும்
ஆனால் யாரும் தராத ஒன்றை உனக்கு
நான் பரிசாக தருகிறேன் - என் மனது.
ஆமாம், உன்னையே உனக்கு பரிசாக
தர என்னால் மட்டும் தானே முடியும்.
எனென்றால் என் மனது முழுக்க நீயல்லவா
இருக்கிறாய் - இனிய பிறந்த நாள் வாழ்த்துக்கள்.
குறிப்பு :
உனக்கு இன்று மட்டும் தான் திருநாள் - எனக்கு
உன்னை காணுகின்ற எல்லா நாளும் திருநாளே....

மீண்டும் புத்தன்

சாளரத்தின் ஊடே சட்டென வழியும்

மழைதண்ணீர் போல் , எல்லா நினைவுகளும்

வடிந்து முடிந்துவிட்ட நிலையில் புத்தனாக

அலுவலகம் செல்கிறேன் -அவள் இறங்கும் நிறுத்தத்தில்

நின்று புகைக்கிறேன் -இன்றாவது வருவாளா ,சிரிப்பாளா ?

புத்தன் மனிதன் ஆனான் .

என்னை கடக்கையில் நின்றால் ,சிரித்தால் ,நடந்தால் -இது

அது தான் என குதித்தது குரங்கு மனது .

காலில் மெட்டி ,நடு வகிட்டில் பொட்டு ,புது தாலி .

விடுப்பின் காரணம் புரிந்ததில் புகை அணைத்து

அலுவலகம் செல்கிறேன் -மீண்டும் புத்தனாக .

ஆம் ,புத்தனும் மணம் செய்து தானே ஆசை துறந்தான் .

ஆசிர்வாத இம்சைகள்

வைரமுத்து இந்த மாதிரி நிறைய எழுதிட்டார் (பெய்யென பெய்யும் மழை ....)....அவர் எழுதாம விட்டதா நான் கொஞ்சம் ட்ரை பண்ணி பார்த்தேன் .....நல்லா இருந்தா கமெண்ட்ஸ் எழுதுங்கபா....... ப்ளீஸ்...

மார்கழி பனி ,
ஓலை குடிசை ,
தாழிட்ட கதவு ,
ஒற்றை படுக்கை ,
போர்வையாய் நீ ..
இது போதுமடி எனக்கு ......

இரவு பேருந்து ,
மெலிதான மழை ,
கண்ணாடி ஜன்னல் ,
கதகதப்பாய் நீ ,
கையணைப்பில் நான் ,
இது போதுமடி எனக்கு …….

பட்டாசு பண்டிகை ,
தலையில் மல்லிகை பூ ,
ரத்த நிற பட்டுபுடவையில் சிரிகிறாய் நீ ,
கிறக்கத்தில் நான் ,
இது போதுமடி எனக்கு ….

அலட்சிய செய்கை ,
ஆளை விழுங்கும் பார்வை ,
பேசத்துடிக்கும் உதடு ,
பார்த்து தவிர்க்கும் பார்வை
துடிக்கின்ற கண்கள் ,
தூரத்து நீ ,
அவஸ்தையில் நான் ,
ஒற்றை பார்வை போதுமடி எனக்கு ….

நெஜமா தான் சொல்றியா?????

மறுபிறவி

அறைஞ்ச கன்னம் வலிக்கயில
உடைஞ்ச பல்லு ரத்தம் கொட்டயில கைய்ய மடிச்சு உடைக்கயில
கதறி அழுத நான்
உன்பேர் சொன்னதும் அழுகைய நிறுத்தி
அடி வாங்குறேன் – ஏற்கெனவே உன்னால
செத்த எனக்கு ,உன்பேர் சொன்னதும்
எல்லா உணர்ச்சியும் மரத்து போச்சுதே . இப்படியே செத்து போனாலும் சத்தியம்
மறுபிறவி எடுத்து வருவேன் சண்டாளி
உன்னை சாகடிக்க …..